網紅的藏寶箱如果我老豆打乒乓波，
佢一定係搓波界嘅奇才！
每次同佢講嘢，佢一定以反問句回應，你係一世都冇可能得到一個肯定嘅答案，就好似自由體操運動員，反身翻騰兩周半轉體一周之後落地，你會想好似揼釘一樣鋤落個地下，但對唔住，我老豆一世都唔會答你任何肯定嘅嘢，冇得鋤地下，佢係永恆同你响言語上浪費歲月。
——
我打返屋企～ring ring～
——
我：喂佢瞓咗未呀佢嚟唔嚟我度？
老豆：邊個呀？
我：梗係問薯仔啦！唔通你咩！
(內心：8點鐘唔通問你瞓咗未咩！你聽得電話即係你都未啦，同埋我唔care你瞓咗未啦！)
——
我嘅神經係久經鍛鍊。
點解佢幾廿歲人仲係咁激心
養兒100歲長憂99🥲